Бағдарламаның миссиясы

Digital Kazakhstan – бұл Қазақстан экономикасын дамыту қарқынын
жеделдетуге және біздің азаматтардың тұрмыс сапасын жақсартуға арналған бағдарлама.

Бағдарлама жобаларының бағыттары:
  • Ел экономикасының басты салаларында цифрлық технологияларды әзірлеу, енгізу және дамыту.
  • Қазақстандықтарға интернетке және 4G (болашақта 5G) мобильді байланысына барлық жерден кең жолақты қолжетімділік ұсынатын инфокоммуникациялық инфрақұрылымды кеңейту.
  • Онлайн ұсынылатын мемқызметтердің сапасын жақсарту мен санын арттыру. Бұл бюрократия мен жемқорлықты төмендетуге, сондай-ақ меморгандарды неғұрлым тиімді және ашық етуге мүмкіндік береді.
  • Электрондық коммерцияны дамытуға белсенді ықпал ету арқылы кәсіпкерлер үшін жаңа мүмкіндіктер мен қолайлы жағдайлар жасау.
  • o Отандық ІТ-секторды дамытуға, сондай-ақ Қазақстандағы білім беру мен денсаулық сақтау сапасын арттыруға ықпал ететін, халықтың жалпы цифрлық сауаттылығын арттыру.
IT-company

«Цифрландыру дегеніміз Қазақстанның озық ел атану жолындағы мақсат емес, құрал.»

Нұрсұлтан Назарбаев

Бағдарламаның жобалары туралы көбірек білу

Табыс жолы

Қазір біздің еліміз электрондық үкіметті дамыту индексі бойынша БҰҰ рейтингінде 33-ші орында тұр. Ол адами капиталды, телекоммуникациялық инфрақұрылымды және онлайн-қызметтерді дамыту көрсеткіштерінен құралады.

Біз жыл өткен сайын азаматтарымыз үшін мемлекеттік қызметтерді ұсыну процесін жетілдіріп келеміз. Мұнда Қазақстан Республикасының электрондық үкіметін дамытудың маңызды кезеңдері көрсетілген.

eGov

2006 жылы Қазақстанда алғаш рет eGov.kz — «электрондық үкімет» порталы енгізілді. Мемқызметтердің онлайн-форматта қолжетімділігі азаматтарға ақысыз негізде электрондық цифрлық қолтанбалар (ЭЦҚ) ұсыну арқылы мүмкін болды. ЭЦҚ қажетті мемқызметтер мен анықтамаларды үйден шықпай алуды мүмкін етеді.

eGov порталының пайдаланушылары бүгінде 6 млн. адамнан асты. Оның инфрақұрылымы арқылы 760 электрондық қызметтер мен сервистерді іске асыруға болады.

e-мемлекеттік сатып алу

2010 жылдан бастап мемлекеттік сатып алу Goszakup.gov.kz порталы арқылы нақты уақыт режимінде өткізіле бастады. Бұл процестің айқындығы мен бюджет қаражатын тиімді пайдалануды қамтамасыз етеді.

Жүйе электрондық шарттар жасасуға, сатып алу процедураларын өткізуге, өнім берушілерді анықтауға, бекітілген шарттар мен оларды орындау нәтижелері туралы мәліметтерді жариялауға мүмкіндік береді.

e-Pay

Электрондық үкіметтің бірыңғай төлем шлюзі – бұл меморгандардың төлем жүйелері мен банктер арасында интеграцияланған жүйе. Қазақстандықтар салықтың 120 түрін, мембаждар, айыппұлдар, сондай-ақ коммуналдық және мобильдік байланыс  қызметтерін төлеуге арналған қаражатты аудару мүмкіндігіне ие болды.

eGov порталының онлайн-төлемдерінің толық тізімін мына жерден көре аласыз.

e-License

2012 жылдан бастап қазақстандықтар лицензиялар мен рұқсат құжаттарының барлық түрлерін Elicense.kz онлайн порталынан алуына болды.

Порталдың неғұрлым кеңінен таралған қызметтерінің бестігіне келесілер кіреді:

  • жерге орналастыру жобаларын бекіту бойынша;
  • ЖК ретінде қызметін бастау туралы хабарландыру;
  • маманды клиникалық практикаға жіберу сертификатын беру;
  • жеке тұлғаларға азаматтық қару мен оның патрондарын сатып алуға рұқсат беру;
  • тиісті әкімшілік-аумақтық бірлік аумағында еңбек қызметін жүзеге асыру үшін шетелдік жұмыс күшін тарту.

2017 жылы жүйе арқылы 24 мыңнан астам лицензия және 725 мың рұқсаттар мен хабарламалар берілді.

e-license порталының толық тізімімен мына жерде таныса аласыз.

Бизнесті онлайн тіркеу

2013 жылдан бастап заңды тұлғаларды мемлекеттік тіркеу eGov.kz порталында онлайн режимінде жүргізіледі. Мысалы, жаңа бастап жүрген кәсіпкерге ЖШС ашу үшін жарғы керек емес, тіркеу жарналарын төлеудің немесе салық органдарына барудың қажеті жоқ. Компьютер мен цифрлық қолтаңба ғана қажет. ЖШС тіркеуге 30 минуттан кем уақыт кетеді.

Қызметтер кіші және орта бизнес субъектілері үшін автоматтандырылған.

Өз компанияңызды мына жерде тіркей аласыз.

е-сот кабинеті

Сот органдарының электрондық сервистеріне қол жеткізудің Office.sud.kz бірыңғай терезесі азаматтық және қылмыстық істер бойынша электрондық өтініштер, қолдаухаттар және шағымдар беруге арналады. Онымен қоса, eGov пайдаланушылары  «Сот кабинетіне» авторланбай кіре алады.

e-денсаулық сақтау

2015 жылдан бастап халықтың ашық медициналық деректер қорына қолжетімділігі артты. eGov порталында «Үйге дәрігер шақырту», «Дәрігердің қабылдауына жазылу» және «Медициналық ұйымға тіркеу» қызметтері автоматтандырылды. Ал «Госпиталдау бюросы» порталы арқылы емделуші республикамыздың кез келген стационарындағы алдағы үш күнге бос орындар саны туралы ақпарат алады. Егер емделуші дәрігерден госпиталдау коды бар жолдама алған болса, онда ол өңірлік және республикалық клиникалар бойынша ағымдағы күту парақтарын көріп, өзінің кезегін қадағалай алады.

Ашық үкімет

Меморгандар жұмысының айқындылығын, есептілігін және тиімділігін әрі қарай арттыру Қазақстанның «Ашық үкіметін» дамытуға байланысты болады. Ол бес компоненттен тұрады:

  • «Ашық деректер»– бұл меморгандардың жалпыға қолжетімді деректері, сондай-ақ олардың жұмыс жоспарлары мен нәтижелері орналастырылатын алаң.
  • «Ашық НҚА»– бұл әзірленетін нормативтік құқықтық актілерді халықтың талқылауына арналған бірыңғай алаң.
  • «Ашық диалог»– бұл меморгандар мен қоғам арасындағы тиімді кері байланыс орнатуға арналған алаң.
  • «Мемлекеттік органдар қызметінің тиімділігін бағалау» азаматтарға меморгандардың қызметін жариялы талқылауға қатысу мүмкіндігін ұсынады.
  • «Ашық бюджеттер»бюджет қаражатын шығындауды қоғамдық бақылауға ықпал етеді.

Цифрлық Қазақстан

Цифрлық трансформациялау жолындағы сенімді және жүйелі қозғалыстан кейінгі логикалық қадам 2017 жылдың аяғында «Цифрлық Қазақстан» мембағдарламасын қабылдау болды. Бағдарлама негізгі бес бағыттан тұрады, олар бойынша 17 бастама және 120-дан астам іс-шара қалыптастырылды.

Жақын жылдарда оларды енгізудің экономиканың дамуы мен қазақстандықтардың тұрмыс сапасын жақсарту қарқынын арттыру сияқты әсерлерін көретін боламыз. Негізгі нәтижелерді цифрлық сектор экономиканың жаңа саласы ретінде қалыптасатын келесі он жылдықтарда көретін боламыз.

Соңғы жаңалықтар

«SMART CITY» – БОЛАШАҚТЫҢ ҚАЛАСЫ

Қалалардың қарыштап дамуы, әлем халқы санының күрт артуы, кез келген мемлекеттегі түрлі мәселелер…

АҚЫЛЫ ЖОЛ БІЗГЕ НЕ ҮШІН ҚАЖЕТ?

Өткен жылы Қазақстанда тіркелген автокөлік саны 5 млн. бірліктен асқан, ол дегеніміз 100…

САЯХАТШЫНЫҢ ЕРТЕҢІ

Жаңа цифрлық қызметтің түрі Қазақстан астанасына келген туристтердің шығындарын барынша азайтады.

ЦИФРЛЫҚ «ЕГІН ЕГУ». ӨНІМ ҚАНДАЙ БОЛАДЫ?

Мегаполис орталығындағы «тік фермалар», ауыл шаруашылық дақылдарын модельдеу, ауыл шаруашылығына пайдаланылатын жерлерді дрондар…

ҚАЗАҚСТАН РЕСПУБЛИКАСЫНДАҒЫ ИНТЕРНЕТ-ШОПИНГ: АРТЫҚШЫЛЫҚТАРЫ МЕН АЛҒЫШАРТТАРЫ

Қазіргі заман адамы тауарды немесе қызметті тез, сенімді және ыңғайлы үш өлшемшарт бойынша…

КӨЛІКТІ ЦИФРЛАНДЫРУ: АҚЫЛМЕН ЖАСАЛАҒАН

Соңғы жылдары Қазақстандағы қалалық инфрақұрылымды дамытуға көп көңіл бөлуде. Ірі қалалар ортаны көркейту…